Prentmet Oddi tekur til starfa

T.v. fyrir hönd seljanda Einar Sigurðsson og  t.h. Kristján Geir Gunnarsson.  Fyrir miðju eru kaupendur og nýir eigendur hjónin Ingibjörg Steinunn Ingjaldsdóttir og Guðmundur Ragnar Guðmundsson

Prentmet hefur fest kaup á Prentsmiðjunni Odda. Nafn sameinaðs félags verður Prentmet Oddi með aðsetur að Lynghálsi 1 og Höfðabakka 7 fyrst um sinn. Hjá sameinuðu félagi starfa um 100 manns.

Íslenskur prentiðnaður er í harðri alþjóðlegri samkeppni þar sem samkeppnishæfni innlendrar framleiðslu hefur beðið hnekki, m.a. vegna gengis- og launaþróunar. Sameinað fyrirtæki mun snúa vörn í sókn til að tryggja framleiðslu á prentverki á Íslandi til lengri tíma. Með kaupunum verður til sterkt fyrirtæki sem býður upp á heildarlausnir í prentverki og fyrsta flokks þjónustu, byggt á áratuga reynslu og þekkingu starfsfólks.

Prentmet Oddi er stærsta fyrirtæki landsins í vinnslu umbúða og eina fyrirtækið sem fullvinnur harðspjaldabækur. Á næstu misserum verður unnið að því að styrkja tækjakost fyrirtækisins enn frekar til að bæta þjónustu.

Fyrirtækið er Svansvottað og er í fremstu röð hvað varðar lágmörkun neikvæðra  áhrifa á umhverfi og heilsu. Stefnt er að því að vera leiðandi í umhverfis- og loftslagsmálum og halda áfram að stuðla að sjálfbærni og skógrækt.

Prentsmiðjan Oddi var stofnuð 9. október 1943 af Baldri Eyþórssyni, Finnboga Rúti Valdimarssyni, Björgvini Benediktssyni og Ellert Ág. Magnússyni. Prentmet var stofnað 4. apríl 1992 af hjónunum Guðmundi Ragnari Guðmundssyni og Ingibjörgu Steinunni Ingjaldsdóttir sem eiga og reka sameinað fyrirtæki.

Seljendur óska nýjum eigendum velfarnaður og munu leggja sitt af mörkum til að sameinuð fyrirtæki styrki stöðu sína enn frekar á markaði.

Nánari upplýsingar veita eigendur:

Guðmundur Ragnar Guðmundsson, s. 856 0600 / gummi@prentmet.is og

Ingibjörg Steinunn Ingjaldsdóttir s. 856 0601/ ingasteina@prentmet.is

Prentmet Oddi tekur til starfa

Samkeppniseftirlitið hefur samþykkt kaup Prentmets á Prentsmiðjunni Odda.  Nafn sameinaðs félags er Prentmet Oddi með aðsetur að Höfðabakka 7 þar sem Oddi hefur verið til húsa. Hjá sameinuðu félagi starfa um 100 manns.

Íslenskur prentiðnaður er í harðri alþjóðlegri samkeppni þar sem samkeppnishæfni innlendrar framleiðslu hefur beðið hnekki, m.a. vegna gengis- og launaþróunar. Sameinað fyrirtæki mun snúa vörn í sókn til að tryggja framleiðslu á prentverki á Íslandi til lengri tíma. Með kaupunum verður til sterkt fyrirtæki sem býður upp á heildarlausnir í prentverki og fyrsta flokks þjónustu, byggt á áratuga reynslu og þekkingu starfsfólks.

Prentmet Oddi er leiðandi í vinnslu umbúða og eina fyrirtækið sem getur fullunnið harðspjaldabækur. Á næstu misserum verður unnið að því að styrkja tækjakost fyrirtækisins enn frekar.

Fyrirtækið er Svansvottað og er í fremstu röð hvað varðar lágmörkun neikvæðra  áhrifa á umhverfi og heilsu. Stefnt er að því að vera leiðandi í umhverfis- og loftslagsmálum og halda áfram að stuðla að sjálfbærni og skógrækt.

Prentsmiðjan Oddi var stofnað 9. október 1943 af Baldri Eyþórssyni, Finnboga Rúti  Valdimarssyni, Björgvini Benediktssyni og Ellert Ág. Magnússyni. Prentmet var stofnað 4. apríl 1992 af hjónunum Guðmundi Ragnar Guðmundssyni og Ingibjörgu Steinunni Ingjaldsdóttir sem eiga og reka sameinað fyrirtæki. Guðmundur var á meistarasamning prentsmíði hjá Odda 1985-1988 og var Þorgeir Baldursson forstjóri, meistari hans.

Nánari upplýsingar veita eigendur: Guðmundur Ragnar Guðmundsson, s. 8560 600 / gummi@prentmet.is og Ingibjörg Steinunn Ingjaldsdóttir s. 8560601/ ingasteina@prentmet.is

Gáfu út veglega bók í tilefni af 100 ára afmælinu

Kvenfélag Grímsneshrepps fagnar 100 ára afmæli sínu á árinu. Af því tilefni var ákveðið að gefa út bók um sögu félagsins sem ber nafnið „Kvennanna kjarkur og þor“. Það er Margrét Sveinbjörnsdóttir, menningarmiðlari, frá Heiðarbæ í Þingvallasveit sem er höfundur bókarinnar. Í bókinni er víða leitað fanga í heimildum í gömlum fundargerðarbókum en ekki síst með fjölbreyttum viðtölum við konurnar í kvenfélaginu. Þá er að finna fjölda ljósmynda í bókinni bæði úr einkasöfnum og af öðrum vettvangi.

Bókin er að öllu leyti unnin á Íslandi. Prentmet sá um alla vinnslu á bókinni; umbrot, prentun og bókband. Kápan er klædd dökkblárri klæðningu og þrykkt með silfurfólíu. Hlífðarkápa og innsíður eru prentaðar á umhverfisvænan pappír en Prentmet er Svansvottuð prentsmiðja.

 

Prentmet kaupir prentsmiðjuna Odda

Prentmet og Oddi hafa komist að samkomulagi um að Prentmet kaupi alla prentvinnslu Odda ásamt tækjum. Kaupin eru gerð meðal annars með fyrirvara um samþykki samkeppnisyfirvalda. Sameinuð prentsmiðja verður rekin að Höfðabakka 7 þar sem Oddi er til húsa, en rúmlega 100 manns munu starfa hjá sameinuðu fyrirtæki. Sameinuð velta fyrirtækjanna var um 1900 milljónir króna árið 2018.

Íslenskur prentiðnaður er í harðri alþjóðlegri samkeppni þar sem samkeppnishæfni innlendrar framleiðslu hefur beðið hnekki, m.a. vegna gengis- og launaþróunar. Prentmet mun snúa vörn í sókn til að tryggja framleiðslu á prentverki á Íslandi til lengri tíma. Með kaupunum verður til sterkt fyrirtæki á íslenskum prentmarkaði sem getur boðið upp á heildarlausnir í prentverki og fyrsta flokks þjónustu, byggt á áratuga reynslu og þekkingu beggja aðila.

Prentsmiðjan Oddi er 76 ára gamalt félag sem upphaflega var stofnað um prentverk en hefur einnig framleitt og flutt inn gæðaumbúðir síðastliðin ár. Sala á framleiðsluhluta Odda felur í sér lokaskrefið í grundvallarbreytingu félagsins úr framleiðslufélagi í sölu og markaðsfélag sem einbeitir sér að umbúðum og umbúðalausnum til annarra fyrirtækja. Í kjölfar breytinganna mun Kassagerðin ehf., sem er að fullu í eigu móðurfélags Odda, einbeita sér að sölu innfluttra umbúða til viðskiptavina, með enn sterkara vöruvali og öflugri þjónustu.

Prentmet var stofnað árið 1992 og rekið af þeim hjónum Guðmundi Ragnari Guðmundssyni og Ingibjörgu Steinunni Ingjaldsdóttir með hraða, gæði og persónulega þjónustu að leiðarljósi, og hefur verið fullbúin prentsmiðja frá 1995. Frá þeim tíma hefur Prentmet aukið við þjónustu og gæði í íslensku prentverki og fært jafnt og þétt út kvíarnar, m.a. með kaupum á prentverki um allt land. Guðmundur Ragnar var á meistarasamning hjá Odda 1985-1988 og nam í framhaldi nu nám í Rekstrarfræðum við Háskólann á Bifröst. Í kjölfar kaupa á prentvinnslu Odda verður hið sameinaða fyrirtæki enn betur í stakk búið til að sinna öllum prentverkefnum frá upphafi til fullbúinnar.

„Kaupin á prentvinnslu Odda eru frábært tækifæri fyrir okkur, og munu hjálpa mikið til við að auka samkeppnishæfni íslensks prentverks ásamt því að auka vöruúrval og þjónustustig fyrirtækisins,” segir Guðmundur Ragnar, framkvæmdastjóri Prentmets. „Staðan í prentiðnaðinum hér á landi er þannig að það er nauðsynlegt að sameina fyrirtæki og efla iðnaðinn til framtíðar. Við hjónin teljum okkur vera að taka stórt skref í þá átt með þessum kaupum.”

Kristján Geir Gunnarsson, framkvæmdastjóri Odda segist ánægður fyrir hönd íslensks prentiðnaðar að þessi kaup hafið verið undirrituð. „Með þessari sameiningu stendur öflugra félag eftir sem getur tryggt íslenskt prentverk og framleiðslu inn í framtíðina. Ég hef fulla trú á þeim hjónum Guðmundi Ragnari og Ingibjörgu Steinunni í næstu skrefum og hlakka til að fylgjast með þeim í framtíðinni.”

Prentmet kaupir Prentlausnir

Prentmet ehf. hefur keypt fyrirtækið Prentlausnir af Erni Valdimarssyni. Prentlausinir hafa boðið upp á stafræna prentun og hönnunarvef fyrir viðskiptavini sína.
Hægt er sækja hönnunarforriti til að setja upp nafnspjöld, reikninga, umslög, bréfsefni, dagatöl, kort, myndaalbúm o.fl. Prentlausnir var fyrsta fyrirtækið á landinu
að bjóða upp þennan valkost. Rekstur og tæki munu sameinast Prentmet og flytjast í höfðustöðvar Prentmets að Lynghálsi 1. Viðskiptavinir útibúa Prentmets munu
einnig geta nýtt sér þennan valkost. Samkvæmt eigendum Prentmets styrkir þetta aukna sjálfvirkni og eykur þetta ennþá meiri breidd í þjónustu við viðskiptavini.

Nýr vélamaður í umbúðadeild

Í dag hóf Kevin Lee Sevilla störf hjá okkur sem vélamaður í umbúðadeildinni.

Kevin starfaði sem vélamaður í Plastprent og síðan Odda frá 2004-2008 og sem verkstjóri í Odda frá 2008 til vorsins 2018.

Hann er fæddur í Bandaríkjunum og er kvæntur Bryndísi Guðmundsdóttir þroskaþjálfara og eiga þau tvö börn.
Kevin er mikill fjölskyldumaður og nýtur þess að stunda útivist og ferðalög með sínu fólki.

Við bjóðum hann hjartanlega velkomin í okkar góða lið.

Grafískur miðlari / Prentsmiður á Akranesi

Ritari óskast í 50% starf

Undirritun á samning um sköpun á 2.200 störfum

2.200 ný störf – Samningur undirritaður hjá Prentmet í morgun

Undirritun á samning um sköpun á 2.200 störfumÍ morgun var undirrituð samstarfsyfirlýsing ríkis, sveitarfélaga, stéttarfélaga og atvinnurekenda um nýtt átaksverkefni gegn atvinnuleysi. Undirritun fór fram hjá Prentmeti, Lynghálsi í Reykjavík en um er að ræða samstarfsyfirlýsingu milli velferðarráðuneytisins, fjármála- og efnahagsráðuneytisins, Alþýðusambands Íslands, Bandalags háskólamanna, Bandalags starfsmanna ríkis og bæja, Sambands íslenskra sveitarfélaga og Samtaka atvinnulífsins, Vinnumálastofnunar, VIRK starfsendurhæfingar-sjóðs  og Starfs vinnumiðlunar og ráðgjafar um nýtt átaksverkefni gegn atvinnuleysi.

 

„Markmið verkefnisins er að virkja atvinnuleitendur sem hafa fullnýtt eða munu fullnýta rétt sinn innan atvinnuleysistryggingakerfisins til þátttöku að nýju á vinnumarkaði. Samtals er um að ræða 3.700 atvinnuleitendur og er markmiðið að þeim verði öllum boðin vinna eða starfsendurhæfing á árinu 2013. Þannig á að tryggja að enginn falli af atvinnuleysisbótum án þess að fá slíkt tilboð“, segir í fréttatilkynningu um málið.

 

Reykjavíkurborg mun skapa 325 störf
Áætlað er að 60% taki tilboði um vinnu og þurfa samtals 2.200 sex mánaða störf að vera í boði á árinu 2013. Sveitarfélög munu að lágmarki skapa 660 starfstengd vinnumarkaðsúrræði (30%) á tímabilinu, ríki 220 starfstengd vinnumarkaðsúrræði (10%) og almenni vinnumarkaðurinn 1.320 starfstengd vinnumarkaðsúrræði (60%).

 

Við sama tækifæri undirrituðu Jón Gnarr, borgarstjóri, og Guðbjartur Hannesson, velferðarráðherra,samning um útfærslu verkefnisins í Reykjavík en borgin mun skapa 325 störf. Alls munu verða til rúmlega 1.000 störf fyrir langtímaatvinnuleitendur í Reykjavík.

20121212 samningur 01 20121212 samningur 02 20121212 samningur 03 20121212 samningur 04 20121212 samningur 05

Akranes heima við hafið

Glæsiverk prentað í Prentmet – Akranes heima við hafið

Akranes heima við hafið

Glæsileg listaverkabók „Akranes heima við hafið“ eftir Baska – Bjarna Skúla Ketilsson er komin út.  Bókin er prentuð í Prentmeti en gefin út af honum sjálfum.  Baski er borinn og barnfæddur Akurnesingur.  Í þessari bók hefur Baski málað myndir sem hann lýsir sem hversdagsupplifun frá æskuárum sínum á Akranesi.   

 

Góð lýsing er á bókinni aftan á kápu:  „Í bókinni Akranes heima við hafið gefur að líta röð málverka sem myndlistarmaðurinn Baski – Bjarni Skúli Ketilsson – hefur málað og lýsir sjálfur sem „minningum á striga“.  Hverri mynd fylgir stutt saga, endurminning frá Akranesi, skráð samkvæmt frásögn Baska af hollenskum rithöfundi, Maria van Mierlo, sem heimsótti hann vikulega á vinnustofuna í hálft ár og fylgdist með verkunum verða til. Jafnt myndir sem sögur byggja á upplifun listamannsins, hann kallar fram í hugann liðna atburði, fólk og staði úr fortíðinni og tjáir áhrifin á sinn persónulega hátt.  Útkoman er þessi einstaka bók, unnin af gleði, hlýju og þakklæti til bæjarins þar sem listamaðurinn sleit barnaskónum – Akraness‘‘.

 

Hér má finna Facebook síðu Akranes heima við hafið