Prentmet Logo

Fréttir

Nemarnir í Prentmet dúxuðu á sveinsprófi

Nemar í Prentmet dúxa í sveinsprófiFöstudaginn 7. júní sl. útskrifuðust tveir nemar í Prentmeti með sveinspróf.  Guðbjörg Olga Kristbjörnsdóttir dúxaði á sveinsprófi í grafískri miðlun og Björgvin Freyr Jóhannesson dúxaði á sveinspróf í offsetprentun. Guðmundur Ragnar Guðmundsson framkvæmdastjóri Prentmets var meistari Guðbjargar en hann dúxaði einnig á sveinsprófi fyrir 25 árum síðan.  Hörður Sigurbjarnason deildastjóri í prentsal var meistari Björgvins.

 

Báðar námsgreinarnar eru löggiltar iðngreinar. Sérnámið skiptist annars vegar í bóklegt og verklegt nám í skóla og hins vegar vinnustaðanám:

Prentun er 4 annir í skóla og 48 vikna vinnustaðanám.

Grafísk miðlun (prentsmíði) er 4 annir í skóla og 48 vikna vinnustaðanám. Námið er byggt á sviði hönnunar, myndvinnslu, umbrots og prentsmíði.

 

Iðan fræðslusetur sér um framkvæmd sveinsprófa og  gerir samkomulag fyrir hönd sveinsprófsnefndar við forsvarsmenn próftökustaðar.

 

Nýju sveinarnir eru báðir komnir með fastráðningu hjá Prentmeti og eru þar með komnir í hóp góðs fagfólks sem þar vinnur.  Því er óhætt að segja að framtíðin er björt í Prentmet.

Prentmet ehf. © 2015. Allur réttur áskilinn. | Vefhönnun: Björgvin Rúnar Valentínusson & Helgi Þór Guðmundsson