Prentmet Logo

Fréttir

Prentmet prentaði nýju og stórglæsilegu bókina "Náttúruvá á Íslandi"

kapa"Náttúruvá á Íslandi - Eldgos og jarðskjálftar“, er heiti á nýrri og stórglæsilegri bók sem kom út í gær, 24. janúar og var fagnað í Hátíðarsal Háskóla Íslands í tilefni af því að þá voru liðin 40 ár frá því að gosið í Heimaey í Vestmannaeyjum hófst. Bókin er prentuð hjá Prentmeti í Reykjavík.  Náttúruvá á Íslandi er fræðirit fyrir almenning þar sem helstu sérfræðingar landsins fjalla um eldgos og jarðskjálfta. Bæði er greint frá eðli þessara náttúrufyrirbæra og þeirri vá sem af þeim stafar. Sagt er frá nýjustu rannsóknum í jarðvísindum og jarðskjálftafræði sem tengjast Íslandi. Er bókin þannig einstakt yfirlit yfir þekkingu okkar á þessum þáttum íslenskrar náttúru. Um sextíu höfundar hafa lagt til efni í bókina og í henni eru nærri 1000 ljósmyndir, teikningar og skýringamyndir. Náttúruvá á Íslandi er án efa eitt ítarlegasta og efnismesta rit um eldvirkni og jarðskjálfta á Íslandi sem gefið hefur verið út.

 

Aðalritstjóri bókarinnar er Júlíus Sólnes, fyrrverandi prófessor við Háskóla Íslands og umhverfisráðherra. Ritstjóri eldgosahluta er Freysteinn Sigmundsson, jarðeðlisfræðingur á  Jarðvísindastofnun Háskóla Íslands, og jarðskjálftahluta Bjarni Bessason, prófessor við Umhverfis- og byggingarverkfræðideild á Verkfræði- og náttúruvísindasviði Háskóla Íslands.

 

Horfa á frétt á Rúv um bókina

 

innsidur

Prentmet ehf. © 2015. Allur réttur áskilinn. | Vefhönnun: Björgvin Rúnar Valentínusson & Helgi Þór Guðmundsson